በዛሬው ዕለት በአወዳይ አጋዚ አፈሳ የጀመረ ቢሆንም ሕዝባዊው ተቃውሞ በምስራቅ ሐረርጌ ዳዳር ከተማና በማሳላ ከተሞች ተጠናክሮ ቀጥሏል:: ሕዝቡ አንገዛም እስከማለት የደረሰ ሲሆን በሶቃ ከተማና በሌሎችም እየተቃወመ ነው:: በምዕራብ ሐረርጌም እንዲሁ በተለይም በበዴሳ ከተማ የአጋዚ ጦር በንጹሃን ሰላማዊ ሰልፈኞች ላይ ጥይት አዝንቧል:: በዚህም ሳቢያ ህፃናት ሳይቀር እንደቆሰሉና በየአደባባዩም ደም እንደሚታይ መረጃዎች ይጠቁማሉ::
በቆቦ ከተማ በኩል ያለው የሃረር መንገድ መዘጋቱ ሲታወቅ በበዴሳ ከተማ ጥይት የተተኮሰበት ህዝብ ቁጣውን ለመግለጽ እስር ቤት ሰብሮ በመግባት እስረኞችን ማስለቀቁ ተሰምቷል:: በበዴሳ ከተማም በአጋዚ የቆሰሉት ወገኖች ብዛት ከ10 በላይ ሲሆን 2 ሰዎች መሞታቸውም ታውቋል::
በመሰላ ከተማ እና በበበዴሳ ከተማ የቆሰሉ ወጣቶችና ህጻናት በጭሮ ሆስፒታል ህክምና ላይ ይገኛሉ::
0 comments:
Post a Comment